ఎస్వీయూ మాస్టర్ ప్లాన్ రోడ్లను పరిశీలించిన డిప్యూటీ మేయర్ భూమన అభినయ్ రెడ్డి గారు, కమిషనర్ హరిత ఐఏఎస్ గారు
Famous TV - ఆంధ్రప్రదేశ్ / తిరుపతి : తిరుపతి మునిసిపల్ కార్పొరేషన్ పరిధిలోని ఎస్వీ యూనివర్శిటీ రోడ్డు నుండి జూ పార్క్ రోడ్డును కలుపుతూ నిర్మించబోవు మూడు మాస్టర్ ప్లాన్ రోడ్లు వెల్లె పరిసరాలను గురువారం సాయంత్రం తిరుపతి నగరపాలక సంస్థ కమిషనర్ హరిత ఐఏఎస్, డిప్యూటీ మేయర్ భూమన అభినయ్ రెడ్డి పరిశీలించారు. ఈ సందర్భంగా వారు మాట్లాడుతూ తిరుపతి నగరంలో ప్రతిపాదించబడిన మాస్టర్ ప్లాన్ రోడ్లను ప్రజల అవసరాలు దృష్ట్యా తీసుకురావడం జరుగుతున్నదని, అందులో భాగంగానే గతంలోనే ప్రతిపాదించిన తిరుపతి ఎస్వీ యూనివర్సిటీ మొదటి గేటు వద్ద నుండి, అదేవిధంగా మూడవ గేటు వద్ద నుండి, ప్లై ఓవర్ మొదలయ్యే అగ్రికల్చర్ కళాశాల ప్రక్క నుండు ప్రకాష్ నగర్ వైపు వెళ్లే విధంగా జూ పార్క్ రోడ్డును కలుపుతూ 3 ప్రతిపాదిత మాస్టర్ ప్లాన్ రోడ్లను తీసుకురావాలని తిరుపతి నగరపాలక సంస్థ కౌన్సిల్ ఆమోదించడం జరిగిందన్నారు. ముఖ్యంగా తిరుపతిలో మెడికల్ సర్వీసెస్ కేంద్రంగా ఉన్నటువంటి స్విమ్స్, బర్డ్, రుయా, మెడికల్ కాలేజ్ ఆసుపత్రులకు పడమర వైపు నుండి ఒక 80 అడుగుల రోడ్డు జూపార్కు రోడ్డును కలిపే విధంగా తీసుకురావడంతో ఆసుపత్రులకు వచ్చే రోగులు కూడా ఎంతో సౌకర్యంగా ఉంటుందన్నారు. అదేవిధంగా వీఐపీలు టౌన్ క్లబ్ సర్కిల్ పైనగా రుయా హాస్పిటల్ మీదుగా తిరుమలకు వెళ్లే సందర్భాల్లో ఎదురయ్యే ట్రాఫిక్కు కష్టాల నుండి బయటపడేందుకు ఎస్వీయూ మొదటి గేటు వైపుగా జూపార్క్ మీదుగా తిరుమల కి వెళ్లడం వలన ప్రజలకు ఎంతో సౌకర్యంగా ఉంటుందన్నారు. టిటిడి ఎస్వీ యూనివర్సిటీ అధికారులు యొక్క అనుమతులను పూర్తిస్థాయిలో తీసుకొని పనులు ప్రారంభించడం జరుగుతుందని కమిషనర్ హరిత, డిప్యూటీ మేయర్ భూమన అభినయ్ రెడ్డి తెలిపారు. ఈ కార్యక్రమంలో కార్పొరేటర్ రామస్వామి వెంకటేశ్వర్లు, అదనపు కమిషనర్ సునీత, సూపరింటెండెంట్ ఇంజనీర్ మోహన్, మున్సిపల్ ఇంజనీర్ వెంకటరామిరెడ్డి, అసిస్టెంట్ సిటీ ప్లానర్ బాలసుబ్రమణ్యం, తదితరులు పాల్గొన్నారు.
Admin
Famous TV
మరిన్ని వార్తలు
Developed By :
