రాయలపేట కేవిసిఆర్ జిల్లా పరిషత్ ఉన్నత పాఠశాలలో మధ్యాహ్న భోజనంలో అవకతవకలు
Famous TV - విద్య ఉద్యోగాలు / చిత్తూరు : చిత్తూరు సెప్టెంబర్ 24 ఫేమస్ టీవి న్యూస్ : చిత్తూరు జిల్లా పెద్దపంజాణి మండలం రాయలపేటలోని కేవీసీఆర్ జిల్లా పరిషత్ ఉన్నత పాఠశాలలో అమలవుతున్న డొక్కా సీతమ్మ మధ్యాహ్న భోజన పథకం నిర్వహణపై పలు ఆరోపణలు వినిపిస్తున్నాయని సెంటర్ ఫర్ యాక్ట్స్ అండ్ రైట్స్ డెవలప్మెంట్ సొసైటీ వ్యవస్థాపక అధ్యక్షురాలు ఉత్తరాది గీత తెలిపారు.మధ్యాహ్న భోజన పథకం కాంట్రాక్టర్ ఎవరు,ఆయన పాఠశాలను ఎప్పటికప్పుడు పర్యవేక్షిస్తున్నారా అనే విషయాలపై స్పష్టత ఇవ్వాలని ఆమె కోరారు.అలాగే స్కావెంజర్,నైట్ వాచ్‌మెన్ తదితర సిబ్బందితో వంట పనులు కూడా చేయిస్తున్నారనే ఆరోపణలు ఉన్నాయని పేర్కొన్నారు.మధ్యాహ్న భోజనానికి కేటాయించే బియ్యంలో ఒక్కో రోజు 5 నుంచి 10 కిలోల వరకు తక్కువగా ఇస్తున్నట్లు వంట సిబ్బంది చెబుతున్నారని ఆమె ఆరోపించారు.నెల చివరిలో ఆ బియ్యం ఎవరు తీసుకొని వెళ్తున్నారు.బియ్యం తరలించడానికే సిసి కెమెరాలు క్రిఃదికి దించినట్లు ఊహాగానాలు వినిపిస్తున్నాయి.ఈ అంశంపై సంబంధిత అధికారులు సమగ్రంగా తనిఖీ చేసి వాస్తవాలను వెలుగులోకి తీసుకురావాలని డిమాండ్ చేశారు.అదేవిధంగా పాఠశాల ప్రధానోపాధ్యాయురాలు అన్నపూర్ణను వివరణ కోరే క్రమంలో ఫోన్ కాల్ రికార్డింగ్ చేసినట్లు,అనంతరం అన్నపూర్ణ భర్త సురేందర్ రెడ్డి బి.కొత్తకోట ప్రాంతం నుంచి కొందరు వ్యక్తులు ఫోన్ చేసి విలేకరులపై బ్లాక్‌మెయిల్ ఆరోపణలు చేస్తున్నట్లు ప్రచారం చేశారని ఉత్తరాది గీత ఆరోపించారు. ఈ ఆరోపణలపై సంబంధిత వ్యక్తుల వివరణ కూడా తీసుకోవాలని ఆమె కోరారు.పాఠశాలలో సిబ్బంది విధులు సక్రమంగా నిర్వహిస్తున్నారా,పారిశుద్ధ్య సిబ్బంది విధులు నిర్వహించిన అనంతరం వంట పనుల్లో పాల్గొంటున్నారా అనే అంశాలపై కూడా అధికారులు విచారణ చేయాలని అన్నారు.సీసీ కెమెరాలు పనిచేయకపోవడంపై ఆందోళన,పాఠశాలలో భద్రతా పరంగా ఏర్పాటు చేసిన సీసీ కెమెరాలు పనిచేయడం లేదని,ఇది పాఠశాల విద్యార్థుల భద్రతపై ఆందోళన కలిగించే అంశమని ఉత్తరాది గీత పేర్కొన్నారు.సీసీ కెమెరాలు ఎందుకు పనిచేయడం లేదో మండల విద్యాశాఖ అధికారులు తక్షణమే పరిశీలించి,విచారణ నివేదికను జిల్లా విద్యాశాఖ అధికారి,జిల్లా కలెక్టర్, విద్యాశాఖ కమిషనర్‌కు సమర్పించాలని ఆమె డిమాండ్ చేశారు.మధ్యాహ్న భోజన పథకం అమలు,బియ్యం సరఫరా,సిబ్బంది విధులు, పాఠశాల పారిశుద్ధ్యం,సీసీ కెమెరాల నిర్వహణ తదితర అంశాలపై సంబంధిత అధికారులు సమగ్ర విచారణ చేపట్టి వాస్తవాలను వెల్లడించాలని ఉత్తరాది గీత కోరారు.
Admin
Famous TV
మరిన్ని వార్తలు
Developed By :
