స్కూల్ బస్సుల ఫిట్నెస్ పై రవాణా శాఖ ప్రత్యేక తనిఖీలు
Famous TV - ఆంధ్రప్రదేశ్ / అన్నమయ్య ( రాయచోటి ) : పుంగనూరు మే 11 : పాఠశాలల విద్యార్థుల భద్రత కోసం జిల్లా రవాణాశాఖ అధికారుల ఆదేశాల మేరకు పుంగనూరు మోటార్ వెహికల్ ఇన్ స్పెక్టర్ సుప్రియ స్కూల్ బస్సులపై ప్రత్యేక తనిఖీలు ముమ్మరం చేశారు.బస్సుల ఫిట్నెస్ సర్టిఫికేట్ ఇన్సూరెన్స్, పర్మిట్, డ్రైవర్ లైసెన్స్, వేగ నియంత్రణ పరికరాలు,ప్రథమ చికిత్స కిట్లు,మరియు అత్యవసర ద్వారాలు సక్రమంగా ఉన్నాయో లేదో పరిశీలించారు.నిబంధనలు పాటించని బస్సులపై కఠిన చర్యలు తీసుకుంటున్నారు.తనిఖీలలో ప్రధాన అంశాలు ప్రతి బస్సుకు తప్పనిసరిగా చెల్లుబాటు అయ్యే ఫిట్ నెస్ సర్టిఫికెట్,బ్రేక్లు,టైర్లు, హెడ్లైట్లు, మరియు వైపర్లు సక్రమంగా పనిచేస్తున్నాయా లేదా అని స్వయంగా చూశారు.భద్రతా పరికరాలైన అగ్నిమాపక యంత్రం,ప్రథమ చికిత్స కిట్ బస్సులో అమర్చారా, అందులో ప్రథమ చికిత్స మెడిసిన్ అందుబాటులో ఉందా లేదాని తనిఖీ చేశారు.ఎమర్జెన్సీ ఎగ్జిట్ డోర్లు, విండోలు సులభంగా తెరుచుకునేలా ఉన్నాయా లేవాని చూశారు.వేగ నియంత్రణ పరికరం,మరియు జీపీఎస్ పనితీరును తనిఖీ చేశారు.డ్రైవర్కు ఎన్ని సంవత్సరాల అనుభవం ఉందోనని,డ్రైవర్ కు గల అలవాట్లు అడిగి తెలుసుకున్నారు,చెల్లుబాటు అయ్యే హెవీ వెహికల్ లైసెన్స్ తనిఖీ చేశారు.సలహాలు:తల్లిదండ్రులు తమ పిల్లలు ఎక్కే బస్సు ఫిట్నెస్ను పాఠశాల యాజమాన్యాన్ని అడిగి తెలుసుకోవాలని,బస్సులో తగినంత మంది సిబ్బంది (అటెండర్) ఉన్నారో లేదో నిర్ధారించుకోవాలని తల్లిదండ్రులకు సూచనలిచ్చారు.ఈ కార్యక్రమంలో ఆవిడ తో పాటుగా సిబ్బంది పాల్గొన్నారు.
Admin
Famous TV
మరిన్ని వార్తలు
Developed By :
