కేజీబీవీ లో అప్లై చేసిన ప్రతి విద్యార్థికి సీటు కేటాయించాలి
సమగ్ర శిక్ష అదనపు కోఆర్డినేటర్ వేణుగోపాలను కలిసిన ఆర్విపిఎస్ రాష్ట్ర అధ్యక్షులు రవికుమార్
Famous TV - విద్య ఉద్యోగాలు / కర్నూలు : కస్తూర్బా గాంధీ బాలిక విద్యాలయాల్లో అప్లై చేసుకున్న ప్రతి విద్యార్థినికి సీటు కేటాయించాలని రాయలసీమ విద్యార్థి పోరాట సమితి రాష్ట్ర అధ్యక్షులు రవికుమార్ సమగ్ర శిక్ష అదనపు కోఆర్డినేటర్ డాక్టర్ వేణుగోపాల్ ను కలిసి వినతి పత్రం సమర్పించారు ఈ సందర్భంగా రాయలసీమ విద్యార్థి పోరాట సమితి రాష్ట్ర అధ్యక్షులు రవికుమార్ మాట్లాడుతూ రాయలసీమ ప్రాంతంలో వలసలు ఎక్కువగా ఉండటం మూలాన తల్లిదండ్రులు వలస వెళ్తే పిల్లలను హాస్టల్లో వదిలివెళ్లాలనుకుంటారని అలాంటి పరిస్థితుల్లో కస్తూర్బా గాంధీ బాలిక విద్యాలయాల్లో ఆన్లైన్లో నమోదు చేసుకుంటారని అయినా సీట్లు రాకపోవడంతో చాలామంది పేద వర్గాలకు చెందిన విద్యార్థిని విద్యార్థుల తల్లిదండ్రులు తీవ్ర ఇబ్బందులు పడుతున్నారని విద్యార్థినిలు విద్యకు దూరమవుతున్నారని కావున అప్లై చేసుకున్న విద్యార్థినిలందరికీ కస్తూర్బా గాంధీ బాలికల విద్యాలయాల్లో సీట్లను కేటాయించాలని పేద గ్రామీణ ప్రాంత విద్యార్థినిలకు చదువుకునే అవకాశం కల్పించాలని ఆయన సమగ్ర శిక్ష ఆదనపు కోఆర్డినేటర్ డాక్టర్ వేణుగోపాల్ ను కలిసి విన్నవించారు. ఇందుకు స్పందించిన సమగ్ర శిక్ష అదనపు కోఆర్డినేటర్ డాక్టర్ కే.వేణుగోపాల్ మాట్లాడుతూ తప్పక విషయాన్ని పరిగణలోకి తీసుకుంటామని అయితే ప్రస్తుత సందర్భంలో సమస్యను పై అధికారుల దృష్టికి తీసుకెళ్తామని హామీ ఇచ్చారు ఈ కార్యక్రమంలో మదాసి మదారి కురువ హక్కుల పోరాట సమితి రాష్ట్ర అధ్యక్షులు సుంకన్న,రాయలసీమ విద్యార్థి పోరాట సమితి జిల్లా అధ్యక్షులు అశోక్,బురుజుల నాగభూషణం, ఎర్రకోట మల్లప్ప, పందిపాడు రమేష్ తదితరులు పాల్గొన్నారు.
Admin
Famous TV
మరిన్ని వార్తలు
Developed By :
